Mizoram State Project Monitoring Committee ten Working Women Hostel, Khatla leh ITI Veng a sak mek an endik

by Editor

Tualchhung News

ZORAM TODAY| 20th August, 2025 Aizawl: Vawiin khan Mizoram State Project Monitoring Committee (MSPMC) chuan Mizoram State Project pahnih - Construction of Working Women Hostel, Khatla, Aizawl (Agreement Amount – Rs. 24.31 Crore) leh Construction of Working Women Hostel, ITI Veng, Aizawl (Agreement Amount – Rs. 14.48 Crore) te an endik a. Mizoram State Project Monitoring Committee (MSPMC) hi team hnih (2) ah inthen in a rualin heng project te hi an endik a ni.

Heng project te hi SASCI 2024-2025 atanga fund hmanga thawh an ni a.

Construction of Working Women Hostel, Khatla hi hna tan a ni deuh chauh a. A hmun laih rem vel hna thawh mek a ni a. Hna thawh tawh chin hi 2% vel a ni. He hostel hi mi 140 leng tura duan a ni a. May, 2026 a zawh hman tur a ni.

Construction of Working Women Hostel, ITI hi ITI Veng ram chhungah hna hi thawh a ni a. Building hi chhawng sarih (7) tura duan niin tunah hian chhawng nga (5) chin sak rih phawt tura tih a ni a. He hostel-ah hian mi sawm sarih (70- bedded) awm theihna tura ruahman a ni a. He hna hi May, 2026 chhunga zawh hman tum a ni.